Real Madrid ka marrë disa oferta për huazimin e Arda Guler, por përgjigja ka qenë gjithmonë e qartë: Ai qëndron me Los Blancos.

Arda Guler është i fokusuar i gjithi te Euro 2024 me Turqinë dhe është plotësisht i lumtur të qëndrojë te Real Madrid për të luftuar për më shumë minuta.

Fantazisti nuk ka kërkuar asnjëherë të largohet, madje as në shkurt apo mars kur nuk luajti aspak. Kampionët e Europës dhe Spanjës besojnë tek talenti i Guler dhe dalëngadalë do t’i besojnë gjithnjë e më shumë pozita në skuadër.

Merengues duan të ndjekin shembullin e Valverde apo Vinicius të cilët e nisëm me hapa të vegjël pa shumë minuta, ndërsa tani janë absolutisht protagonistë në fanellën e bardhë.