Kryetari i Aleancës për Ardhmërinë e Kosovës, Ramush Haradinaj ka përkujtuar Fehmi dhe Xhevë Lladrovci teksa i ka quajtur themele të Kosovës, raporton Gazeta10.

Haradinaj ka thënë se ata kanë qenë sinonim i vlerave më të larta të Ushtrisë Çlirimtare të Kosovës.

Ai ka thënë se për kontributin e tyre është përjetësisht mirënjohës.

Këtu keni statusin e tyre:

“Fehmi dhe Xhevë Lladrovci, ishin sinonim i qëndresës, fuqisë dhe motivimit të Ushtrisë Çlirimtare të Kosovës.

Fehmiu dhe Xheva janë themelet e Kosovës së lirë, Kosovës shtet. Së bashku me Fatime Hetemi e Shefqet Zeka, të rënë po atë ditë, ata u bënë inspirimi i të gjithë brezave.

Përjetësisht mirënjohje e nderim”, ka shkruar Haradinaj në llogarinë e tij në Facebook. / Gazeta10