Kryeprokurori i Prokurorisë Speciale, Blerim Isufaj nuk ka pranuar pyetje nga gazetarët pasi doli në një konferencë për media për të njoftuar për ngritjen e një aktakuze ndaj 45 personave për sulmin e 24 shtatorit të vitit të kaluar në Banjskë të Zveçanit.

Isufaj kërkoi mirëkuptimin e gazetarë duke thënë se “nuk guxojmë të flasim kurrgjë më tepër”.

“Unë sinqerisht po kërkoj mirëkuptimin tuaj… Ne sot dolëm për të treguar atë që mundemi me e tregu dhe atë që mund ta themi për këtë fazë të procedurës”, tha ai.

Ai tha se shpresojnë se e kanë bërë “punën më të mirë” që kanë ditur dhe mundur.