Kryeministri i Kosovës, Albin Kurti ka uruar ekipin e Kosovës për fitoren ndaj Qipros.

Ai është shprehur se ekipi ynë sonte luajti me plot vetëbesim teksa sipas tij, na mbushi plot besim për ndeshjen e radhës kundër Rumanisë.

“Nëntë gola, nëntë pikë në tre ndeshjet e fundit. Formë jashtëzakonisht e mirë e ekipit tonë, që sonte luajti me plot vetëbesim teksa na mbushi plot besim për ndeshjen e radhës kundër Rumanisë. Faleminderit për këtë mbrëmje të mrekullueshme e gëzuar fitoren”, ka shkruar Kurti.