Zëvendësdrejtori i Përgjithshëm i RTK-së, Adi Krasta, sot ka paralajmëruar se do të japë dorëheqje nga ky institucion. Kështu tha ai pas përfundimit të Festivalit të Dytë të Këngës në RTK, ku pohoi se i treti me radhë do të vijojë pa të.

Megjithatë Krasta tha se do të ketë bashkëpunime me RTK-në edhe në të ardhmen.

“Këtë vit u mora me Festivalin, por edhe projekte të tjera, e njoha RTK-në. Themelimi i një festivali është mision. Mendoj që mund ta bëj aktive dorëheqjen e janarit të shkuar që e kam pasur në tryezën time gjatë gjithë kohës”.

Do ta konsideroj si mision të mbyllur, por patjetër që do të kem bashkëpunime me RTK-në edhe në të ardhmen, mund të vij për projekte të bukura. Mendoj që e përjetuam ëndrrën që dëshironim dhe ëndrrat kanë edhe një fund të bukur”, ka thënë Krasta.