Deputeti i LDK-së, Avdullah Hoti, përmes një postimi në Facebook, ka propozuar katër veprime që do të ndihmojnë në zbutjen e krizës, raporton Gazeta10.

“Për të ndihmuar qytetarët në përballje me inflacionin, Gjermania ka vendosur të ulë Tatimin në Vlerën e Shtuar në gaz dhe nxemje nga 19% në 7% duke filluar nga 1 tetor 2022 deri në prill 2024. Në rastin e Kosovës, janë tri veprime që e zbusin krizën, por që po mungojnë nga muaji mars”, tha Hoti në Facebook.

Ai tha se veprimi i parë është indeksimi i pagave, subvencionet në bujqësi, pensioneve dhe ndihmave sociale me normën e inflacionit.

Veprimi i dytë, Hoti thotë se ëhtë rritja e pagës minimale në sektorin privat.

Si veprim të tretë radhit uljen e TVSH-së nga 18 për qind në 8 për qind për disa produkte ushqimore që janë ende me 18 për qind TVSH.

Dhe i katërti veprim është pezullimi i përkohshëm i akcizës në naftë.

Tutje, Hoti ka thënë se Qeveria aktuale është përgjegjëse edhe për zvogëlimin e qarkullimit në ekonomi.

“Kjo qeveri jo vetëm që nuk po ul tatimet, por po e zvogëlon qarkullimin në ekonomi edhe duke mos implementuar qindra miliona euro investime kapitale. Sikur të ishin futur në ekonomi qindra miliona euro përmes projekteve kapitale, krahas uljes së tatimeve, do të rritej kërkesa agregate dhe do të parandalohej thellimi i krizës.”, tha ndër të tjera Hoti./Gazeta10.

Njoftimi i plotë:

“Për të ndihmuar qytetarët në përballje me inflacionin, Gjermania ka vendosur të ulë Tatimin në Vlerën e Shtuar në gaz dhe nxemje nga 19% në 7% duke filluar nga 1 tetor 2022 deri në prill 2024.

Në rastin e Kosovës, janë tri veprime që e zbusin krizën, por që po mungojnë nga muaji mars:

1. Indeksimi i pagave, subvencioneve në bujqësi, pensioneve dhe ndihmave sociale me normën e inflacionit,

2. Rritja e pagës minimale në sektorin privat,

3. Ulja e TVSH nga 18% në 8% për naftë dhe për disa produkte ushqimore që ende janë me 18% TVSH,

4. Pezullimi i përkohshëm i akcizës në naftë.

Kjo qeveri jo vetëm që nuk po ul tatimet, por po e zvogëlon qarkullimin në ekonomi edhe duke mos implementuar qindra miliona euro investime kapitale.

Sikur të ishin futur në ekonomi qindra miliona euro përmes projekteve kapitale, krahas uljes së tatimeve, do të rritej kërkesa agregate dhe do të parandalohej thellimi i krizës.

Të gjitha këto masa nuk paraqesin problem për deficitin buxhetor, pasi bilanci bankar i Qeverisë është rekord i lartë. Këto veprime mund të merren menjëherë dhe jam i sigurt se e kanë mbështetjen e të gjitha palëve.”.Gazeta10.