Një përplasje e ashpër ka ndodhur në “Politiko” në mes të deputetit të VV-së, Dimal Bashës dhe kandidatit për deputet të AAK-së, Labinot Gjinit për çështjen e korrusionit, ku janë përmendur Albin Kurti dhe Ramush Haradinaj.

Gjini ka deklaruar se kryeministri i vendit, Albin Kurtit është duke e mbrojtur korrupsionin dhe nepotizmin, teksa ka theksuar se shumë afera korruptive kanë ndodhur në qeverisjen e tij.

“Shembullin e vetëm që e ka dhanë z.Kurti është që e ka mbrojtë korrupsionin dhe nepotizmin dhe çdo njeri të vetin që është përfshi në krim dhe korrupsion. Këto janë fake edhe për energjetikën, njeri është tu e vujtë dënimin me burgim”, ka thënë Gjini.

Nga ana tjetër, Basha ka thënë se Ramush Haradinaj ka kulla e vila të shumta.

“I dina vilat e kullat që i ka Ramushi”, ka thënë Basha.

“Kjo është shpifje. Në ato kulla i ka vllazninë e varrostë”, ka thënë Gjini.

“Mos e lidh UÇK-në. Në emër të uniformës s’ban me justifiku hajninë me kravatë”, ka thënë Basha. /Gazeta10/