Kryetari i Aleancës për Ardhmërinë e Kosovës, Ramush Haradinaj ka premtuar se nuk do të ketë pension më të ulët se 500 euro, përfshirë edhe kategoritë e dala nga lufta, nëse do të jetë në krye të Qeverisë së Kosovës.

Haradinaj ka theksuar se AAK ka qenë partia e parë që i ka publikuar këto shifra bazuar në matjet buxhetore.

“Ne i kemi dhanë këto shifra në bazë të matjes buxhetore. Kemi thënë pragun e poshtme të pensioneve dhe pagës minimale që është 500 euro”, ka thënë Haradinaj.

Ai ka thënë se koalicioni AAK-Nisma i ka trajtuar me prioritet të gjithë sektorët në programin e saj.

“Në koalicioni tonë jemi një. Në programin tonë i kemi trajtu me kujdes çështjet kryesore, duke filluar prej sigurisë, që është çështja kyçe për ne si dhe anëtarësimi i plotë në NATO. I kemi trajtu edhe arsimin dhe shëndetësinë”, ka bërë të ditur Haradinaj në “Politiko” me Kushtrim Sadikun. /Gazeta10/