Deputetja e Lidhjes Demokratike e Kosovës, Rrezarta Krasniqi ka thënë se Lëvizja Vetëvendosje do ta ketë “ëndërr të parealizueshme” pushtetin.

Sipas Krasniqit, LVV po i mbush sallat me qytetarë nga Maqedonia e Veriut.

“Është një ëndërr e parealizueshme ajo sepse po e shihni me çfarë njerëz po i  mbushin sallat, me njerëz të Maqedonisë”, ka thënë Krasniqi.

Tutje, ajo e ka quajtur kryeministrin Kurti si një “mashtrues” dhe një “përçarës” të shqiptarëve.

“I ka borxh Maqedonia sepse ka shku edhe atje edhe i ka përça shqiptarët mes veti. Për mu kryeministri Kurti është një mashtrues dhe përçarës i shqiptarëve”, ka thënë ajo në “Politiko” me Kushtrim Sadikun. /Gazeta10/