Xhevahire Izmaku, kandidate për deputete nga NISMA, ka thënë se bashkëpunimi në mes të Ramush Haradinajt dhe Fatmir Limajt ka qenë shumë i lehtë për shkak se ata kanë bashkëpunuar edhe në të kaluarën.

Sipas Izmakut, Haradinaj dhe Limaj në kohën e luftës i ka bashkuar synimi për çlirimin e vendit, teksa sot i ka bashkuar bashkëqeverisja.

“Nuk është hera e parë që liderët kryesorë z.Limaj dhe z.Haradinaj bashkëpunojnë ka qenë shumë më e leht. Këta i kanë ndërlidhur interesa shumë më të mëdha sesa qeverisja që kanë qenë të nivelit nacional sepse fillimisht kanë pasur synim çlirimin e vendit”, ka thënë ajo.

Tutje, ajo ka thënë se bashkimi i AAK-Nismas veçse i ka dhënë një diversitet më të madh politikbërjes.

“Bashkimi i këtyre grupeve vetëm i ka dhanë një diversitet të madh politikbërjes”, ka thënë Izmaku në “Politiko” me Kushtrim Sadikun.  /Gazeta10/