Banorët e disa lagjeve të Prishtinës të hënën kanë mbetur pa rrymë për disa orë.

Kompania KESCO ka thënë se një prishje në nënstacionin Prishtina 2 ka bërë që disa dalje të jenë jashtë funksionit dhe një numër i caktuar i konsumatorëve në kryeqytet të mbesin pa furnizim me energji elektrike.

Sipas KESCO-s, pas intervenimit të menjëhershëm të ekipeve të KEDS-it, të gjitha daljet u rikthyen në funksion, kështu edhe furnizimi me rrymë.