FC Liria ka bërë të ditur se sot gjatë ndeshjes së juniorëve Liria-Istogu është lënduar lojtari Erand Bacaliu i cili ka qenë në gjendje të rëndë por që është shpëtuar, raporton Gazeta10.

Lojtari në fjalë është shpëtuar pasi ka intervenuar ekipi i fizioterapistëve Esmer Berisha dhe Masar Shala.

FC Liria ka falënderuar dy heronjët për profesionalizimin e treguar.

Tutje, thuhet se ky rast duhet të shërbejë si një alarm për klubet e tjera në raport me ekipet mjekësore.

Këtu keni njoftimin e plotë:

“Sot, në Prizren në stadiumin “Përparim Thaçi” gjatë ndeshjes së juniorëve;

LIRIA – ISTOGU në një duel në ajër lëndohet rëndë lojtari i juniorëve të Lirisë Erand Bacaliu i cili humb vetëdijen e me ç’rast i rrotullohet edhe gjuha, por me intervenimin e shpejtë të dy fizioterapistëve tanë Esmer Berishës dhe Masar Shalës, arritëm t’a evitojmë më të keqen. I Falenderojmë të dy heronjtë tanë nga zemra për profesionalizmin e treguar sot.

Ky moment i trishtë është një mesazh alarmues për të gjitha klubet tona se pa mjek dhe pa fizioterapistë kurrsesi nuk bën të zhvillohen ndeshjet në asnjë kategori.

Ky rast eshtë mesazh i kjartë për organet kompetente se në ketë aspekt duhet të jenë maksimalisht rigoroz sepse jeta e të rinjve është më e shtrenjtë se gjithçka tjetër.

Erandit i dëshirojmë shëndet”. Thuhet në njoftimin e FC Liria në llogarinë e tyre në Facebook. / Gazeta10