Seanca e parë e mbajtur pas aktvendimit të plotë të Gjykatës Kushtetuese nuk solli ndonjë ndryshim në Kuvend.

Propozimet e VV-së për postin e kryekuvendarit nuk kaluan, meqë rast partitë politike fajësuan njëra-tjetrën për kaosin politik në vend.

Deputetja, Arbëresha Kryeziu-Hyseni tha se sot për dallim nga seancat e kaluara, pati një ndryshim.

“Ajo çka pamë ndryshe sot është shpërfaqja e hapur e koordinimit të natyrshëm që ndodh mes PDK-së, LDK-së, Listën Serbe dhe AAK-së. Sot duhej të votonim me votim të hapur dhe s’kishin si të ishin ndryshe se sa siç kanë qenë që dy dekada bashkë, duke bashkëpunuar në dëm të interesit të Kosovës” deklaroi Kryeziu-Hyseni në emisionin Gazeta.