Bukayo Saka nuk do të jetë në dispozicionin e Mikel Artetas për tre deri në katër javët e ardhshme.

Sulmuesi anësor ka pësuar një lëndim në hamstring dhe do të jetë jashtë fushave për rreth një muaj.

Saka u lëndua në sfidën kundër Leeds United dhe u detyrua ta lë fushën në minutën e 53-të.

Pas ekzaminimeve mjekësore u bë e ditur se lëndimi nuk është i lehtë dhe mungesa e tij padyshim është një goditje e rëndë për Artetan në këtë fillimsezoni.

Saka synon që të rikthehet në derbin kundër Manchester Cityt, që do të luhet pas ndeshjeve ndërkombëtare të shtatorit.

Përveç Sakas, edhe lojtari tjetër i skuadrës londineze, Martin Odegaard u detyrua ta lë fushën kundër Leeds shkaku i një shqetësimi muscular.

Saka do të jetë mungesa e madhe e Arsenalit në sfidën kundër Liverpoolit në fundjavë, e po ashtu edhe e kombëtares angleze në sfidat kundër Andorrës dhe Serbisë.

Që nga viti 2019 ku u promovua në ekipin e parë, Saka ka qenë njëri nga lojtarët më të rëndësishëm të “The Gunners”.