Presidenti i Republikës së Shqipërisë, Bajram Begaj, ka dekretuar dhënien e shtetësisë shqiptare për futbollistin kosovar, Edon Lulzim Zhegrova.

Dekreti me numër 294, datë 22 gusht 2025, është nxjerrë në mbështetje të Kushtetutës së Shqipërisë dhe ligjit “Për shtetësinë”, me propozim të Ministrit të Brendshëm.

“Neni 1 – Dhënien e shtetësisë shqiptare, me kërkesë të tij, shtetasit: Edon Lulzim Zhegrova. Neni 2 – Ky dekret hyn në fuqi menjëherë dhe botohet në Fletoren Zyrtare”, thuhet në dokumentin e nënshkruar nga Presidenti Begaj.

Ky vendim i hap rrugë Zhegrovës që të llogaritet si futbollist shqiptar edhe në ligat evropiane, duke rritur interesimin e klubeve të mëdha për shërbimet e tij.