Kim Kardashian u shfaq me një paraqitje shumë tërheqëse në festën e Vanity Fair pas Oscars, por duket se veshja e saj i solli edhe vështirësi.

Ylli u shfaq me një fustan të artë të ngushtë nga Gucci, i cili theksonte format e saj, të kombinuar me taka shumë të larta me platformë.

Megjithatë, gjatë ecjes në tapetin e kuq, ajo u pa duke pasur vështirësi për të ecur për shkak të këpucëve dhe prerjes së ngushtë të fustanit, shkruan DailyMail.

Pamja e saj u komentua gjerësisht në rrjetet sociale, ku disa fansa e kritikuan për mungesën e rehatisë, ndërsa të tjerë e vlerësuan për stilin e guximshëm dhe paraqitjen elegante.

Kim kishte zgjedhur një grim të theksuar “smoky” dhe lente të kaltra, ndërsa flokët i mbante të stiluara lirshëm deri në supe.

Në event ajo u shoqërua nga familja e saj, përfshirë Kris Jenner, Kendall dhe Kylie Jenner.

Pavarësisht komenteve të ndryshme, Kim arriti edhe një herë të jetë në qendër të vëmendjes në një nga netët më të rëndësishme të Hollywood-it.