Dhjetëra qytetarë të Klinës janë mbledhur këtë të hënë në shenjë proteste, duke shprehur pakënaqësinë e tyre ndaj zvarritjes së punimeve në rrugën kryesore në hyrje të qytetit.

Protestuesit kërkuan përshpejtimin e punimeve dhe përfundimin sa më të shpejtë të projektit, i cili sipas tyre po u shkakton vështirësi të përditshme në qarkullim dhe lëvizje.

Përmes kësaj proteste, banorët e Klinës kërkuan përgjegjësi nga institucionet kompetente dhe zgjidhje të menjëhershme për situatën e krijuar.