Ministri i Shëndetësisë i Australisë njoftoi të enjten se periudha e karantinës për pasagjerët e riatdhesuar nga një anije luksoze turistike me flamur holandez, e prekur nga një shpërthim i hantavirusit, do të zgjatet në gjithsej 42 ditë, deri më 23 qershor.

Katër shtetas australianë, një rezident i përhershëm dhe një banor i Zelandës së Re janë vendosur në karantinë në një qendër pranë qytetit Perth, në Australinë Perëndimore, që prej kthimit të tyre më 15 maj, shkruan Reuters, transmeton Klankosova.tv.

Fillimisht, ata pritej të qëndronin në karantinë deri më 5 qershor, por autoritetet kanë vendosur ta zgjasin periudhën e izolimit pas rekomandimeve të ekspertëve shëndetësorë, deklaroi ministri i Shëndetësisë, Mark Butler.

“Pasagjerët janë informuar për rekomandimet dhe vendimin e qeverisë. Jam i kënaqur të them se ata vazhdojnë të jenë në gjendje të mirë shëndetësore,” shtoi Butler.