Kosovës Instituti Kombëtar i Shëndetësisë Publike të Kosovës (IKShPK) ka njoftuar se gjatë periudhës 16 prill – 22 qershor 2026, në Kosovë janë regjistruar gjithsej 40 raste të konfirmuara me fruth.

Sipas të dhënave zyrtare nga IKShPK, shpërndarja e rasteve sipas komunave paraqitet si vijon: Ferizaj prin me 11 raste, Prishtina me 9, Kaçaniku me 6, Fushë-Kosova me 3, ndërsa Lipjani, Vushtrria, Shtime dhe Obiliqi kanë nga 2 raste secila. Gjithashtu, nga një rast është raportuar në Gjilan, Drenas dhe Deçan.

IKShPK u bën thirrje qytetarëve që të tregojnë kujdes dhe të paraqiten menjëherë në institucionet shëndetësore në rast të shfaqjes së simptomave të dyshimta si temperaturë e lartë, skuqje apo ndryshime në lëkurë, kollë, rrufë dhe konjuktivit.