Kryetari i Komunës së Deçanit, Bashkim Ramosaj, ka treguar për ndarjen nga jeta të Xhemajl Mustafajt dhe djalit të tij, Hasanit, nga fshati Maznik.

Në postim në Facebook, Ramosaj ka shprehur pikëllim të thellë për këtë humbje tragjike, duke theksuar se në emër të tij dhe të Komunës së Deçanit u përcjell ngushëllime të sinqerta familjes Mustafaj, të afërmve dhe banorëve të Maznikut.

“Me pikëllim të thellë mora lajmin për ndarjen tragjike nga jeta të Xhemajl Mustafajt dhe birit të tij, Hasanit, nga fshati Maznik. Në emrin tim dhe të Komunës së Deçanit, i shpreh ngushëllimet më të sinqerta familjes Mustafaj, të afërmve dhe gjithë banorëve të Maznikut. Në këto çaste të rënda, ndajmë dhimbjen me ju dhe lutemi që të gjeni forcë për ta përballuar këtë humbje të madhe. I përjetshëm qoftë kujtimi për Xhemajl dhe Hasan Mustafaj”, ka shkruar ai në Facebook.

Në media u publikua edhe fotografia e babait me të birin të cilët dyshohet se rryma elektrike ishte shkaktare e vdekjes së tyre.