Aktori Edi Kastrati ishte i ftuar në një intervistë me Shëndrit Lumin, ku foli për rrugëtimin e tij artistik dhe projektet që kanë lënë gjurmë në karrierën e tij.

I pyetur se cilën shfaqje do të dëshironte ta rikthente sërish në skenë, Kastrati nuk hezitoi të përmendte shfaqjen “+18”, të cilën e cilësoi si një nga projektet më të suksesshme ku ka qenë pjesë.

“E kisha rikthyer shfaqjen +18. Nuk e di a e ke parë. Kjo shfaqje është realizuar në Gjakovë. Është shpallur nga Ministria e Kulturës si shfaqja më e mirë e vitit, ndërsa ka fituar edhe çmime në arenën ndërkombëtare. Ka qenë një punë e regjisorit Qëndrim Riani, i cili edhe vetë e konsideron atë ndër veprat më të mira që ka realizuar si regjisor”, u shpreh aktori./Gazeta10