Gazetari Fidan Rama në “Speciale” në Kanal10 ka folur për mënyrën se si pritet të zhvillohet seanca e shpalljes së aktgjykimit ndaj Hashim Thaçit, Kadri Veselit, Jakup Krasniqit dhe Rexhep Selimit në Hagë.

Rama ka bërë të ditur se vendimet pritet të komunikohen veç e veç për secilin prej të akuzuarve. Sipas tij, procedura do të nisë me ish-presidentin Hashim Thaçi, ndërsa më pas trupi gjykues do të vazhdojë me Kadri Veselin dhe Jakup Krasniqin.

Në fund vendimi do të shqiptohet për Rexhep Selimin.

Rama ka shpjeguar gjithashtu se të akuzuarit do të ngrihen në këmbë gjatë momentit kur trupi gjykues të komunikojë vendimin.

“Verdikti i parë do të shqiptohet ndaj Hashim Thaçit, pastaj ndaj Kadri Veselit, Jakup Krasniqit, dhe në fund do të jetë Rexhep Selimi”, ka deklaruar Fidan Rama./Gazeta10