Një person është arrestuar në Gjakovë nën dyshimin për veprën penale të dhunimit.

Sipas raportit 24-orësh të Policisë së Kosovës, rasti është evidentuar më 19 shtator.

Policia bën të ditur se viktima është një shtetase e huaj.

“Është arrestuar i dyshuari mashkull kosovar pasi që dyshohet se ka kryer veprën e lartcekur ndaj viktimës femër shtetase të huaj”, thuhet në raport.

Me vendim të prokurorit, i dyshuari është dërguar në mbajtje.