Drejtori i Klinikës së Kirurgjisë Torakale, Njazi Kolgeci, e ka vlerësuar Qendrën Klinike Universitare të Kosovës si spitalin më të sigurt në vend. Ai ka thënë se kushtet në sallat e operacionit janë të përmbushura dhe stafi është i mjaftueshëm.

Në emisionin “Shëndeti sot” Kolgeci ka theksuar nevojën për përmirësimin e ambienteve të klinikës. Ai ka kërkuar ndërtimin e një objekti të përbashkët për të gjitha klinikat kirurgjike.

“Unë asnjëherë nuk jam i kënaqur me atë që kemi. Gjithmonë pretendoj edhe më mirë se sa që është. Po Qendra Klinike Universitare është më e sigurta prej krejt spitaleve që ekzistojnë në Kosovë. Kushtet janë absolutisht, sidomos në sallat e operacionit janë absolutisht të përmbushura komplet. Stafi jonë është i kompletuar, 15 kirurgë, janë 27 infermiere. Është i mjaftueshëm. Çka kisha dashtë me i shtu unë? Ambientet të cilat neve i kemi, janë ambiente të vjetra. Unë kam dëshirë shumë që të vijë dita që të ndërtohet një ndërtesë e madhe ku të jenë të sistemuara krejt klinikat kirurgjike. Kirurgu është i njëjtë. Kështu që sallat e intervenimeve kirurgjike mendoj që duhet me qenë të përbashkëta. Kjo është edhe më e mirë sepse mund të mbahet edhe më lehtë filtrimi dhe pre-mjekimi. Po për sa i kemi, sallat e operacionit janë rreth shtatë shtretër. Me kushtet që i kemi, po mundohemi me e përballuar këtë kërkesat që i kemi të pacientëve. Për sa i kemi drejtuar, ne e theksojmë këtë, është e mirë.” tha Kolgeci.

Klinika e Kirurgjisë Torakale ka 2 salla operacioni, të dyja funksionale dhe të pajisura me mjetet e nevojshme.

Duke folur për kapacitetet e klinikës, Kolgeci u ka bërë thirrje qytetarëve të kenë besim te kirurgët. Ai ka theksuar se ekipi profesional dhe kushtet mundësojnë realizimin e ndërhyrjeve kirurgjike.