Qeveria e Kosovës ka miratuar Projektligjin për ratifikimin e Marrëveshjes me Mbretërinë e Belgjikës për Ndihmë të Ndërsjellë Juridike në Çështje Penale.
Marrëveshja synon të forcojë bashkëpunimin ndërmjet dy shteteve në sigurimin e provave, zhvillimin e procedurave penale dhe luftimin e krimit ndërkufitar.
Zëvendëskryeministrja dhe ministrja e Drejtësisë, Donika Gërvalla, ka thënë se marrëveshja krijon një kuadër më të qartë ligjor për bashkëpunimin në çështjet penale.
Ajo ka theksuar se përmes kësaj marrëveshjeje rregullohen edhe procedurat për sekuestrimin dhe konfiskimin e pasurisë, si dhe krijimin e grupeve të përbashkëta hetimore.
Marrëveshja parasheh gjithashtu rregulla të përbashkëta për shkëmbimin e provave, kryerjen e veprimeve hetimore dhe procedurale, si dhe trajtimin e kërkesave për ndihmë juridike.
Sipas njoftimit, synimi është rritja e efikasitetit të autoriteteve të të dyja vendeve në luftimin e kriminalitetit transnacional.
Gazeta 10 është pjesë e Java Multimedia Production, që ka në pronësi edhe Kanal10 dhe Radio10.
Gazeta 10 është portal informativ që udhëhiqet nga gazetarë me përvojë dhe angazhohet për gazetari cilësore e profesionale, në kërkim të lajmit të fundit, kudo në Kosovë dhe jashtë saj.
Materialet e Gazeta10 mund të rishpërndahen duke e cituar drejt burimin.
Email: info@gazeta10.com
Gazeta10, © 2026 Të gjitha të drejtat e rezervuara.
