Klubi Futbollistik “Ferizaj” ka paraqitur kundër ankesë në Federatën e Futbollit e Kosovës, pasi që klubi i Beharit nga Vitromerica po pretendon se futbollisti Edon Sadriu nuk ka patur të drejtë lojë për shkak të kartonëve nga edicioni i kaluar i kupës dhe ka kërkuar që ndeshja të regjisitrohet me rezultat zyrtar 3:0.

Megjithatë, “Kanal 10” mëson se Ferizaj tashmë ka angazhuar një zyrtar ligjor, i cili e ka përgatitur kundër padinë, teksa është thirrur në nenin 78 të Rregullores së Garave, në të cilin thuhet se klubi duhet të informohet nga organi i cili i udhëheq garat, ose klubi paraparak i futbollistit.

Një gjë e tillë nuk ka ndodhur te Ferizaj, pasi që klubi asnjëherë nuk e ka pasur evidencën e ndeshjes finale të Kupës ndërmjet Dritës dhe Llapit.

Te Ferizaj tashmë janë të bindur që kjo ankesë do të hudhet poshtë dhe do të kalojnë në fazën tjetër të garës së kupës.