Një orë pas lajmit për arritjen e marrëveshjes mes Kosovës dhe Serbisë për targat në Bruksel, Shefi i BE-së për Politikë të Jashtme dhe Siguri ka lëshuar për media deklaratën e plotë.
Në të, pos që përgëzohen palët për marrëveshjen, dhe zotimet e tyre që të mos gjobiten veturat me targa ilegale në Kosovë dhe që Serbia nuk do të lëshojë tabela me iniciale të qyteteve të Kosovës, përmenden edhe zotime të tjera.
Po ashtu, sipas BE-së, palët janë pajtuar që të gjitha marrëveshjet e dakorduara të zbatohen. Rrjedhimisht, kjo do të nëkuptonte edhe Asociacionin, megjithëse nuk përmendet tekstualisht në komunikatë.
Deklarata e plotë e BE-së:
Nën fasilitimin e BE-së, palët kanë rënë dakord për masat për të shmangur përshkallëzimin e mëtejshëm dhe plotësisht dhe me urgjencë të përqëndrohen, në propozim për normalizimin e marrëdhënieve, siç është paraqitur këtë shtator nga Lehtësuesi i BE-së dhe i mbështetur nga Franca dhe Gjermania.
Kjo do të thotë se Serbia do të ndalojë lëshimin e targave me emërtimet e qyteteve të Kosovës dhe se Kosova do ta ndërpres çdo veprim të mëtejshëm në lidhje me riregjistrimin e automjeteve.
BE-ja do të sigurohet që çështjet dhe parimet kyçe lidhur me normalizimin do të trajtohen në kontekstin e propozimit. Palët e kuptojnë këtë të gjithë Marrëveshjet e kaluara të Dialogut duhet të zbatohen.
Unë do të ftoj palët në ditët në vijim për të diskutuar hapat e ardhshëm në kuadër të propozimit, me qëllim paraqitjen e rezultateve nga Grupi Special për normalizim me Kosovën dhe përditësim në Kapitullin 35 për Serbinë. Në rast pengimi nga secila Palë, Lehtësuesi i BE-së mund ta përfundojë procesin.
Unë dhe Përfaqësuesi Special i BE-së Miroslav Lajçak, do vazhdojmë të lehtësojnë procesin e normalizimit të marrëdhëniet dhe të informojmë Shtetet Anëtare të BE-së dhe partnerët rregullisht për progresin e arritur nga palët. /Gazeta10
We reached an agreement between #Kosovo and #Serbia today that will allow to avoid further escalation.
— Josep Borrell Fontelles (@JosepBorrellF) November 23, 2022
We will discuss next steps within the framework of our proposal for normalisation of relations between the two parties. pic.twitter.com/YQ7vVWPOgT
Gazeta 10 është pjesë e Java Multimedia Production, që ka në pronësi edhe Kanal10 dhe Radio10.
Gazeta 10 është portal informativ që udhëhiqet nga gazetarë me përvojë dhe angazhohet për gazetari cilësore e profesionale, në kërkim të lajmit të fundit, kudo në Kosovë dhe jashtë saj.
Materialet e Gazeta10 mund të rishpërndahen duke e cituar drejt burimin.
Email: info@gazeta10.com
Gazeta10, © 2026 Të gjitha të drejtat e rezervuara.
