Kryetari i Prishtinës, Perparim Rama, ka njoftuar se Prishtinës i janë shtuar 30 autobusë të rinj, 6 prej tyre elektrik, raporton Gazeta10.

Rama ka thënë se sot është nënshkruar Marrëveshja për Kredi prej 10 milionë eurosh me BERZh.

Më tej, ai ka thënë se inkorporimi i autobusëve elektrik në qytet është me rëndësi për tranzicionin e gjelbërt.

Tutje, ai ka thënë se kjo do të ketë një ndikim për një Prishtinë më të shëndetshme dhe më të pastërt.

Këtu keni postimin e plotë:

“30 autobusë të rinj në kryeqytet prej tyre autobusë elektrik

Sot nënshkruam Marrëveshjen për Kredi prej 10 milionë eurosh me BERZh, në selinë e tyre në Londër, për blerjen e 6 autobusëve elektrik dhe 24 autobusëve efiçient të modelit EURO-IV

Inkorporimi i autobusëve të parë elektrik në qytet dhe në vend është një moment kyç drejt tranzicionit të gjelbër

Kjo do të ketë një ndikim të prekshëm në jetën e qytetarëve tanë dhe do të ndërmarrë hapa kuptimplotë drejt një Prishtine më të shëndetshme dhe më të pastër

Shumë krenarë që vazhdojmë një bashkëpunim të ngushtë me partnerin tonë BERZH

#kryeqyteti

#prishtinapraktike

#prishtinaegjelbër”, ka shkruar Rama në llogarinë e tij në Facebook. / Gazeta10