Forcat ukrainase raportuan bombardime të rënda ruse dhe përpjekje për të avancuar në disa qytete në rajonin lindor të Donetskut që është bërë fokusi kryesor i luftës gati gjashtëmujore, por kanë bërë të ditur se ata kanë  zmbrapsur shumë nga sulmet, shkruan Reuters, transmeton Gazeta10.

Vëmendja e madhe është përqendruar në centralin bërthamor të Zaporizhzhia në Ukrainën jugore mes frikës së një katastrofe si shkak i bombardimeve të  reja ditëtve të  fundit e ku Rusia dhe Ukraina fajësojnë njëra-tjetrën.

Sekretari i Përgjithshëm i OKB-së Antonio Guterres ka bërë thirrje për krijimin e një zone të çmilitarizuar dhe presidenti ukrainas Volodymyr Zelenskiy ka paralajmëruar ushtarët rusë që qëllojnë në stacionin më të madh bërthamor të Evropës ose e përdorin atë si bazë për të qëlluar nga se ata do të bëhen një “objektiv i veçantë” të forcave të Ukrainës.

Zelenskiy tha se Ukraina i kishte propozuar shumë herë udhëheqjes ruse formate të ndryshme për bisedime të  paqes, por s’ka pasur progres.

“Pra, ne duhet të mbrohemi, duhet t’i përgjigjemi çdo forme terrori, çdo rasti granatimi – granatimeve të ashpra që nuk pushojnë për asnjë ditë të vetme,”  ka thënë ai. / Gazeta10