Lokali ku dyshohet se filloi një përleshje e që më pas përfundoi tragjikisht për një të person nga Kukësi është mbyllur nga Drejtoria e Inspekoratit të Prizrenit.

Zëdhënësi i policisë rajonale të Prizrenit, Shaqir Bytyqi, ka bërë të ditur se ka nisur intervistimi i pronarit dhe e katër personave të tjerë pjesë e stafit të lokalit “Kobra City” në Prizren.

Ndërkaq, i dyshuari kryesor mbetet pronari i lokalit Dibran Hoxha, i njohur si “Kobra i cili dyshohet të ketë shtënë me armë zjarri  pas një zënke fizike me disa persona të cilët kishin ardhur nga Kukësi në Prizren.

Si pasojë, njëri nga ta ka mbetur i vdekur kurse një tjetër është plagosur.

Policia bën me dije se viktima është një 31-vjeçar me inicialet V. C, i cili ka ndërruar jetë gjatë rrugës për në spitalin e Kukësit. Ndërsa i plagosur ka mbetur një 27-vjeçar, raporton abcnews.

i pasojë e plagëve të marra 31 vjeçari ka ndërruar jetë gjatë rrugës, ndërsa shtetasi R. Sh., ndodhet në spital nën kujdesin e mjekëve. Nga deklarimet e para të shtetasit të plagosur dhe shtetasit A. B., që i ka transportuar për në spital, dyshohet se ngjarja ka ndodhur në dalje të Prizrenit.

“Nga deklarimet e para të shtetasit të plagosur dhe shtetasit A. B., që i ka transportuar për në spital, dyshohet se ngjarja ka ndodhur në dalje të Prizrenit, pas një konflikti në një lokal nate me disa shtetas kosovarë. Në momentin që shtetasit V.C., R.Sh dhe A.B, po largoheshin me automjet, dyshohet se shtetasi D. H, ka qëlluar me armë zjarri në drejtim të automjetit të tyre”, thuhet në njoftimin e policisë së Shqipërisë.