Policia e Kosovës ka njoftuar se është arrestuar i dyshuari për plagosjen e dy personave në Shtërpcë, raporton Gazeta10.

Në njoftim bëhet e ditur se Policia Rajonale e Ferizajt pas një pune intenzive hetimore dhe grumbullimit të informacioneve ka identifikuar dhe ka arrestuar të dyshuarin A.K.

I dyshuari është duke u shoqëruar në Policinë Rajonale të Ferizajt.

Këtu keni njoftimin e plotë:

“KOMUNIKATË PËR MEDIA

Arrestohet i dyshuari për plagosjen e dy personave në Shtërpcë

Policia Rajonale e Ferizajt, pas një pune intenzive hetimore , grumbullimit të informacioneve në terren kanë identifikuar e më pas kanë arrestuar të dyshuarin A.K (M/K) i moshës 33 vjeçar.

I dyshuari është duke u shoqëruar në Policinë Rajonale të Ferizajt, përkatësisht Sektorin Rajonal të Hetimeve, për veprime tjera hetimore.

Për informata tjera do të njoftoheni me kohë”, thuhet në njoftimin e Policisë së Kosovës. / Gazeta10