Sulmuesi Lucas Moura do të largohet nga Tottenham Hotspur në fundin e sezonit pasi klubi londinez vendosi të mos i ofrojë rinovim të kontratës.

Anësori nuk dëshiron të largohet në afatin e janarit pasi në verë do të jetë agjent i lirë, diçka nga e cila mund të përfitoi për një pagë më të lartë si dhe një projekt më të mirë.

30-vjeçari iu bashkua Spurs në janarin e vitit 2018 dhe do të largohet pas më shumë se pesë viteve shërbime.

Anësori i Sao Paulo ka bërë 213 paraqitje për Tottenhamin duke shënuar 38 gola. Padyshim më i njohuri është het-triku në përmbysjen e madhe të Tottenhamit në gjysmëfinalen e Ligës së Kampionëve në vitin 2019 ndaj Ajaxit në “Johan Cruyff Arena”.