Kombëtarja e Kosovës për grupmoshat U-21, ka mësuar kundërshtarët për kualifikimet për Kampionatin Evropian “EURO 2025”, që do të zhvillohet në Sllovaki.

52 ekipe që do të jenë pjesëmarrëse , të renditura në nëntë grupe, me Kosovën që do të jetë pjesë e grupit D, së bashku me Gjermaninë, Poloninë, Izraelin, Bullgarinë dhe Estoninë.

Ndeshjet e fazës së grupeve do të luhen në mes të marsit të këtij viti dhe gjatë muajit tetor të vitit të ardhshëm.

15 ekipe do të kualifikohen tutje nga faza e grupeve, së bashku me Sllovakinë që kualifikohet direkt si mikpritëse e Kampionatit Evropian.

Ndryshe nga Kosova, Shqipëria ndodhet në Grupin E, ku kundërshtarë do të ketë Rumaninë, Zvicrën, Finlandën, Malin e Zi dhe Armeninë.

Finalja e Kampionatit Evropian do të mbahet në Sllovaki gjatë verës së vitit 2025.