Deputetja shqiptare Saranda Bogujevci jatë ditë së djeshme në kuvend ka deklaruar se do të bëhet nënë pa nevojën e ndonjë burri.

Ajo potencoi gjithashtu se është duke pritur të sjellë në jetë një fëmijë pa pasur një partner dhe mendon se këtë të drejtë duhet ta kenë shumë gra.

E teksa mbi këtë deklaratë të saj ka pasur reagime të shumta, ka edhe prej atyre që i kanë dalë në mbrojtje deputetes së VV-së, raporton Gazeta10.

Njëra ndër to, është këngëtarja e madhe Adelina Ismaili, e cila i ka dedikuar Sarandës një shkrim në InstaStory në rrjetin social Instagram.

“E dashura mikja ime. Jam e lumtur që do të shijosh ndjenjën më të bukur në botë, të qenit nënë. Ti që ke mposhtur vdekjen, po sjell një jetë të re dhe asgjë tjetër nuk ka rëndësi. Të dua Saranda Bogujevci”, ka shkruar këngëtarja Ismaili./Gazeta10