Kryetari i LDK-së, Lumir Abdixhiku ka bërë të ditur se ka pranuar ftesë nga NDI për të marrë pjesë në Konventën e Demokratëve në Çikago, por që në vend të tij e ka dërguar Alush Gashi.

Ai ka thënë se Gashi do të qëndrojë për katër ditë atje, duke shtuar se LDK-ja angazhohet për marrëdhënie të mira me dy partitë amerikane.

“LDK angazhohet për marrëdhënie të mira me të dy partitë e mëdha amerikane, si faktor e kontributdhënës historik në kauzën tonë për liri, pavarësi e demokraci. Mbi të gjitha, me rrugëtimin e ngushtë me aleatët tanë identitar, SHBA-të, drejt realizimit të qëllimeve tona kombëtare!” – ka shkruar ai në Facebook.

Postimi i plotë i tij:

I nderuar me ftesën e NDI për pjesëmarrje në Konventën e Demokratëve🇺🇸në Çikago. Në këtë Konventë kam deleguar profesorin e nderuar Alush Gashin, bashkëpunëtorin e ngushtë e anëtarin e Kryesisë Qendrore të Lidhjes Demokratike të Kosovës.

Profesor Gashi, do të qëndrojë për katër ditët e punimeve të Konventës. Aty pritet konfirmimi i kandidaturës për Presidente nga radhët e demokratëve, nënkryetares së tanishme Kamala Harris.

LDK angazhohet për marrëdhënie të mira me të dy partitë e mëdha amerikane, si faktor e kontributdhënës historik në kauzën tonë për liri, pavarësi e demokraci. Mbi të gjitha, me rrugëtimin e ngushtë me aleatët tanë identitar, SHBA-të, drejt realizimit të qëllimeve tona kombëtare!