Një aksident trafiku ka ndodhur sot në fshatin Vragoli të Fushë Kosovës në mes një kamioni dhe një veture, raporton Gazeta10.
Lajmin për Gazeta10 e ka konfirmuar, zëdhënësi i Policisë së Kosovës për rajonin e Prishtinës, Bajram Krasniqi i cili ka thënë se si pasojë e aksidentit vetura ka dalë nga rruga dhe ka rënë poshtë disa metra, duke mbetur të lënduar rëndë tre persona.
“Në ora 13:35, policia është njoftuar për një aksident trafiku të ndodhur në rrugën nacionale Prishtinë-Pejë (fshati Vragoli). Në aksident janë përfshirë dy automjete (një veturë dhe një kamion). Si pasojë e aksidentit vetura ka dalë nga rruga duke rënë poshtë disa metra. Tre persona kanë pësuar lëndime trupore.”, ka thënë Krasniqi për Gazeta10.
Njësitet policore janë marrë me aksidentin./Gazeta10