Një aksident i rëndë gjatë së shtunës la të vdekur tre të rinj në Prizren pasi u goditën nga veturat që po bënin gara në autostradë.

Për këtë rast janë arrestuar dy shoferët që po bënin gara, Arlind Syla dhe Irfan Hoti, ndaj të cilëve tashmë është caktuar masa e paraburgimit.

E pas kësaj ngjarje ka reaguar Qamil Hoti, vëllai i Irfanit, i cili i ka publikuar disa pamje të reja të momentit të aksidentit.

Ai në profilin e tij privat, ka thënë se garën nuk e ka organizuar vëllai i tij.

Ai ka thënë se njëri nga të ndjerit, Nue Bibaj, kishte kërkuar që veturën e tij ta vozisë Irfan Hoti, që ndodhet në paraburgim.

“Nue Bibaj kishte kërkuar që veturën e tij ta vozit vëllau im Irfani, fillimisht Irfani nuk pranon por me insistimin e të ndjerit Nue Bibaj, Irfani pranon që ta ngiste makinën e tij.”

Ai ka thënë se nuk është e vërtetë që Irfani i është afruar veturës dhe e ka penguar qarkullimin. Sipas tij, aksidenti ka ndodhur pasi vetura Golf 5 ka frenuar dhe për shkak të motit të keq ka rrëshqitur.

Postimi i plotë i tij pa ndërhyrje:

Sqarim per media shok dashamir edhe krejt popullin .

Un jom Qamil Hoti, vellau i Irfan Hotit.

Pik se pari ju shprehi ngushllime familjarve te te ndjerve Delija, Bibaj dhe Syla.

Personalisht un i njoh te ndjeret dhe shprehi keqardhje se qfar ndodhi ate nat, dhe dua te bej nje sqarim te vogel per vellaun tim.

Gara nuk ishte organizu nga Irfani, gara ishte organizuar me post ne nje grup ne facebook nga pronari i makines “Golf 5”.

Nue Bibaj kishte kerkuar qe veturen e tij ta vozit vellau im Irfani, fillimisht Irfani nuk pranon por me insistimin e te ndjerit Nue Bibaj, Irfani pranon qe ta ngiste makinen e tij.

Un pash qe ne media dhe ne rrjete sociale po flitet qe Irfani i eshte afruar makines golf 5 duke i penguar qarkullimin ne rrug dhe per ate arsye shoferit tjeter i humbi kontrolli ne vetur.

Por nuk eshte e vertete.

Gara filloj dhe pas disa metrave makina golf 5 frenon dhe per shkak te motit te keq ajo rreshqet dhe humb kontrollin duke goditur kembesoret qe ishin duke e shikuar ngjarjen dhe per pasoj le te vdekur 3 persona dhe lendon 3 te tjer.

Ne kemi siguruar Video-fakte qe nuk u publikuan ne media se Irfani nuk ju afrua makines tjeter, kemi edhe deshmitar qe ishin ne vendin e ngjarjes nder ta ishin edhe disa familjar te ndjerit Nue Bibaj. Ne ja kemi len qdo gje ne dore drejtesis dhe presim qe rastin ta zbulojn sa me shpejt. Edhe njeher ndjej keqardhje dhe ju shprehi ngushllime familjarve te viktimave dhe sherim sa me te shpejt te lenduarve dhe kerkoj nga njerzit tjer qe ti ndalin ofendimet te kan pak mirkuptim sepse te gjith ata ishin shok me njeri tjetrin dhe asgje nuk u be qellimisht askush sdo tkishte deshiruar qe kjo te ndodh.

Ne kemi vendos qe ato video ti bejm publike.