Prokuroria Speciale e Kosovës ka ngritur një aktakuzë kundër pesëmbëdhjetë personave lidhur me rastin “Subvencionet II”, raporton Gazeta10.

Në njoftim bëhet e ditur se personat në fjalë kanë kryer vepra të ndryshme penale.

Më tej, bëhen të ditura specifikisht të gjithë personat dhe veprat për të cilat akuzohen.

Veprat për të cilat akuzohen kryesisht lidhen me “Marrje të ryshfetit”, “Keqpërdorim i pozitës apo autoritetit zyrtar”, “Dhënie e ryshfetit”, “Ushtrim i ndikimit” dhe “Mashtrim me subvencione”.

Këtu keni njoftimin e plotë:

“AKTAKUZË KUNDËR PESËMBËDHJETË PERSONAVE PËR RASTIN “SUBVENCIONET II’’ Prishtinë, 22 dhjetor 2022 – Prokuroria Speciale e Republikës së Kosovës (PSRK), ka ngritur aktakuzë në Gjykatën Themelore në Prishtinë – Departamentin Special, kundër pesëmbëdhjetë (15) të akuzuarve për rastin “Subvencionet II”. Prokuroria Speciale njofton se aktakuza është ngritur ndaj të pandehurve si persona zyrtar në Agjencinë për Zhvillimin e Bujqësisë dhe përfitues të subvencioneve në mënyrë të kundërligjshme për shkak të dyshimit të bazuar se kanë kryer vepra të ndryshme penale. Të pandehurit L.S dhe B.M, dyshohen për veprën penale ‘’Marrje ryshfeti’’ nga neni 421 lidhur me nenin 31 në bashkëkryerje dhe nenin 77 vepra penale në vazhdim të Kodit Penal të Republikës së Kosovës. Të pandehurit S.SH dhe B.N, dyshohen për veprën penale ‘’Keqpërdorim i pozitës apo autoritetit zyrtar’’ nga neni 414 të Kodit Penal të Republikës së Kosovës. Të pandehurit G.M, R.Z, A.M, D.D, D.D, R.Z, H.M, S.B, H.M, P.K, dyshohen për veprën penale ‘’Dhënie e ryshfetit’’ nga neni 422 të Kodit Penal të Republikës së Kosovës. I pandehuri B.B, dyshohet për veprën penale ‘’Ushtrim i ndikimit’’ nga neni 424 të Kodit Penal të Republikës së Kosovës. Ndërkaq, të pandehurit G.M, R.Z, A.M, D.D, R.Z, H.M, dyshohen për veprën penale ‘’Mashtrim me subvencione’’ nga neni 324 të Kodit Penal të Republikës së Kosovës”, thuhet në njoftim. / Gazeta10