Policia e Kosovës ka arrestuar tre persona pasi dyshohet se kanë rrëmbyer një vajzë në Mitrovicë. 

Sipas viktimës, dy nga të dyshuarit e kanë marrë me forcë në makinë, ia kanë mbyllur gojën dhe sytë, dhe për dy orë e kanë mbajtur në një lokacion të panjohur. 

Gjithashtu, vajza ka deklaruar se të dyshuarit kanë ushtruar dhunë ndaj saj, transmeton Gazeta10. 

“Janë identifikuar dhe arrestuar tre të dyshuar dy prej tyre për rastin e rrëmbimit dhe një për rast të dhunimit nën dyshimin se në muajin mars e ka dhunuar viktimën”, thuhet në raportin e policisë. 

Më tej, bëhet e ditur se me vendim të prokurorit, të dyshuarit janë dërguar në mbajtje./Gazeta10