Arsenali është shumë afër transferimit të talentit ukrainas, Mykhalo Mudryk.

Sipas raportimeve të fundit, Mudryk ka arritur marrëveshje personale me Arsenalin dhe kalimi i tij në Londër mund të ndodhë qysh në muajin janar.

Arsenalit tashmë raportohet t’i kenë mbetur vetëm negociatat me skuadrën e Shakhtarit për shumën e transferimit.

Mudryk ka impresionuar me paraqitjet e tij këtë sezon, si në Superligën e Ukrainës, ashtu edhe në Ligën e Kampionëve.

Trajneri i ‘Topçinjëve’, Mikel Arteta, e pëlqen shumë lojtarin dhe e dëshiron atë me çdo kusht në skuadrën e tij.

21-vjeçari ka kontratë me Shakhtar Donetskun deri në verën e vitit 2026.

Këtë sezon, ai ka shënuar 10 gola dhe ka dhuruar tetë asistime, në 18 ndeshje të luajtura në të gjitha garat.

Mudryk debutoi me kombëtaren e Ukrainsës në qershor të këtij viti dhe deri më tani ka zhvilluar tetë ndeshje me kombëtaren.

Përveç Arsenalit, interesim për senzacionin ukrainas ka shprehur edhe ekipi tjetër anglez, Newcastle United.