Marco Asensio në fund të këtij sezoni pritet të largohet nga Real Madridi, por jo edhe nga futbolli spanjoll, shkruan Gazeta10.

Sipas mediave spanjolle, Asensio do të kalojë te rivali i përbetuar i Real Madridit, Barcelona.

Kontrata e Asensios me ekipin madrilien përfundon në qershor të vitit të ardhshëm dhe ai do të kalojë te Barcelona me parametra zero.

Sulmuesi tashmë ka arritur marrëveshje personale me Barcelonën për një kontratë katërvjeçare dhe ai do të jetë transferimi i parë për stinorin e ardhshëm te ekipi katalan.

26-vjeçari është pjesë e Real Madridit që nga viti 2015, ku u transferua nga skuadra tjetër spanjolle, Mallorca.

Ai ka pasur një karrierë mjaft të pasur me “Los Blancos” deri më tani ku ka fituar plot 15 trofe.

Këtë sezon sulmuesi spanjoll nuk ka pasur minutazh të mjaftueshëm, pasi ka luajtur në vetëm katër ndeshje prej të cilave ka shënuar një gol. /Gazeta10/