Kampioni i Kosovës në futboll, Ballkani ka nxjerr në shitje biletat për ndeshjen e dytë të grupeve të Ligës së Konferencës kundër gjigantit kroat, Dinamo Zagreb.
Ndeshja Ballkani – Dianmo luhet më 5 tetor në stadiumin “Fadil Vokrri” në Prishtinë nga ora 18:45.
Biletat do të shiten vetëm nëpërmjet platformës “online”, ndërsa një person ka drejtën e blerjes deri në katër bileta.
Biletat për tribunat veri dhe jug do të kushtojnë nga 3 euro, lindje 5, derisa në perëndim 10 euro. Bileta VIP kushton 50 euro.
“Eja dhe mbështete rrugëtimin evropian të Ballkanit, mbështete kampionin e Republikës”, shkruan në njoftimin e Ballkanit.
Ballkani e humbi ndeshjen e parë në udhëtim nga Viktoria Plzeni me rezultatin 1:0, në kuadër të Grupit C. Për ekipin e drejtuar nga trajneri Ilir Daja është hera e dytë rresht që po paraqitet në grupet e Ligës së Konferencës.
Gazeta 10 është pjesë e Java Multimedia Production, që ka në pronësi edhe Kanal10 dhe Radio10.
Gazeta 10 është portal informativ që udhëhiqet nga gazetarë me përvojë dhe angazhohet për gazetari cilësore e profesionale, në kërkim të lajmit të fundit, kudo në Kosovë dhe jashtë saj.
Materialet e Gazeta10 mund të rishpërndahen duke e cituar drejt burimin.
Email: [email protected]
Gazeta10, © 2024 Të gjitha të drejtat e rezervuara.
