Ballkani sonte do të ndeshet me skuadrën e Shkupit, në kuadër të fazës “Play-Off” për kualifikim në Ligën e Konferencës, raporton Gazeta10.

Kampioni i Kosovës do të përballet me kampionin e Maqedonisë së Veriut.

Ballkani për të arritur në Play-Off arriti në rrethin e tretë kualifikues ta mposhtë skuadrë nga Ishujt Faroe, pas ekzekutimit të penalltive.

Ndërsa, Shkupi në rrethin e tretë kualifikues të Europaligës u eleminua nga skuadra irlandeze, Shamrock Rovers dhe zbriti në Play-Off të Ligës së Konferencës.

Skuadra nga Suhareka është e vetmja skuadër që ka arritur në këtë fazë kualifikuese të garave evropiane.

Nëse Ballkani arrin që ta mposhtë skuadrën nga kryeqyeti i Maqedonisë, atëherë kualifikohet në fazën e grupeve të Ligës së Konferencës.

Të mërkurën mbrëma Ballkani ka zhvilluar edhe seancën e fundit stërvitore para ndeshjes së sotme.

Kjo përballje luhet në stadiumin “Todor Proeski” me fillim nga ora 21:00. /Gazeta10/