Ballkani ka arritur ta mposhtë Klaksvikun me rezultat të ngushtë 3-2, në ndeshjen e cila u zhvillua në kuadër të rrethit të tretë kualifikues të Ligës së Konferencës.

Therandasit kaluan në epërsi në minutën e 30-të të ndeshjes, me anë të sulmuesit Nazmi Gripshi.

Ballkani arriti që në fund të pjesës së parë ta dyfishonte avantazhin me anë të Meriton Korenicës.

Me të filluar pjesa e dytë, Ballkani e gjeti edhe golin e tretë, me anë të Albion Rrahmanit, i cili shënoi golin e gjashtë në kualifikimet e Ligës së Konferencës.

Skuadra e Klaksvikut u kundërpërgjigj pas golit të tretë të pësuar dhe arritën që ta gjenin rrugën e golit dy herë, që të dy golat i shënoi sulmuesi, Pall Klettskaro.

Ballkani me këtë fitore bën një hap pozitiv drejt Play-Offit të Ligës së Konferencës.

Ndeshja e kthimit luhet më 11 gusht, në Ishujt Faroe.