Barcelona po vazhdon punën për regjistrimin e transferimeve të reja, shkruan Gazeta10.

Ekipi katalan sot ka aktivizuar edhe levën e katërt ekonomike duke shitur 24.5% të aksioneve të Barça Studios, të cilat i kanë sjellë përfitime këtij klubi në vlerë prej 100 milionë eurove.

Barcelonës tanimë i duhen vetëm edhe 30 milionë euro për ti regjistruar të gjithë lojtarët e rinj në La Liga dhe për të sigurar këtë shumë parash, ekipin katalan është në bisedime me disa futbollistë për të ulur pagat e tyre.

Transferimet e reja si Kessie, Christensen, Lewandowski, Raphinha, Kounde dhe Sergi Roberto e Ousmane Dembele, të cilët kanë rinovuar kontratat, nuk janë ende të regjistruar në La Liga.

Barcelona ndeshjen hapëse të kampionatit spanjoll e luan të shtunën, ku e pret në shtëpi Rayo Vallecanon. /Gazeta10/