Nicolo Barella ka rënë dakord për të nënshkruar kontratë të re me Interin, vetëm disa muaj pasi refuzoi t’i bashkohet Manchester Cityt.

Javë më parë City kontaktoi Interin për mesfushorin, i cili nuk ishte i interesuar të largohej nga Italia. 27-vjeçari do të mbetet pjesë e Interit deri në vitin 2029.

Ai aktualisht fiton 6 milionë euro në vit. Me kontratë të re, reprezentuesi i Italisë do të fitojë 7 milionë euro.

Barella u transferua nga Cagliari te Interi, skuadër me të cilën në edicionin aktual ka shënuar dy gola dhe ka asistuar pesë herë në 22 ndeshje.