Bayern Munich ka shprehur interesim për shërbimet e sulmuesit argjentinas, Julian Alvarez.

“Bavarezët” dëshirojnë me çdo kusht transferimin e argjentinasit, pasi ai nuk po ka hapësira të mjaftueshme tek ekipi i drejtuar nga Pep Guardiola.

Alvarez erdhi te City në verën e vitit të kaluar nga skuadra e River Plates, për shumën e 14 milionë eurove.

23-vjeçari tregoi formë të lartë në Kampionatin Botëror “Katari 2022”, ku ishte njëri nga lojtarët kyç të “Albicelestes” në triumfin e tyre në atë kampionat.

Por, ky transferim do të jetë mjaft i komplikuar nga fakti se Alvarez ka kontratë me Manchester Cityn deri në vitin 2028.

Në edicionin e tij të parë në Angli, ai ka realizuar 17 gola dhe ka kontribuar me pesë asistime në 47 ndeshje të zhvilluara në të gjitha garat.

Ai deri më tani ka fituar Premierligën me “Qytetarët”, por është edhe në finale të Ligës së Kampionëve dhe FA Cup.