Deputeti i zgjedhur i PDK-së, Artan Behrami, e ka kritikuar Qeverinë Kurti për shtrenjtimin e rrymës.

Ai ka vlerësuar se në këtë mandat tri herë është ngritur çmimi i energjisë elektrike.

Shprehur në përqindje, sipas Behramit, për këto 4 vite rryma është shtrenjtuar mbi 140 për qind.

Postimi i tij:

Albin Fazomeri, sa faza të kanë mbetur? A t’u ka dhezë drita? Me lidhjen e shkurt që ke shkrep me Martinin e Nagipin, s’ke nevojë me pagu rrymë as ti e as pasardhësit tuaj!

Ndërsa, qytetarët duhet të hyjnë në kredi për të përballuar rrymën, ushqimin, shkollën, ilaçet etj. Për 4 vjet pushtet, Albin Kurti e ka shtrenjtuar rrymën tri herë: me një përqindje prej mbi 140% për kategoritë që konsumojnë mbi 800 kËh në muaj, ndërsa për kategoritë që konsumojnë nën 800 kËh, e ka shtrenjtuar dy herë me mbi 30%.

SOT rryma është rritur me mbi 16.3% për të gjitha kategoritë e konsumatorëve. Me afër 700 milionë që ke shpenzuar në energji elektrike, Kosova tashmë do ta kishte paguar 70% të ndonjë termocentrali të ri!.