Jude Bellingham dhe Arda Guler ishin ndër lojtarët e parë të Real Madridit që mbërritën për stërvitje parasezonale në Valdebebas të hënën.

12 futbollistë janë paraqitur në seancën e parë të Carlo Ancelottit përpara sezonit të ri.

Andriy Lunin, Lucas Vazquez, Jesus Vallejo, Alvaro Odriozola, Ferland Mendy, Fran Garcia, Toni Kroos, Dani Ceballos, Brahim Diaz, Fede Valverde, Bellingham dhe Guler – janë paraqitur në Valdebebas.

Lojtarët fillimisht do t’i nënshtrohen një testi mjekësor për të konfirmuar nivelin e tyre të fitnesit përpara se të punojnë në palestër dhe në fushë.

Real Madridi do të fluturojë për në Shtetet e Bashkuara javën e ardhshme ku do të luajë disa ndeshje miqësore parasezonale.