Gazetari Ridvan Berisha ka thënë se sulmet terroriste të Hamasit, të sponsoruara direkt nga Irani nëpërmjet organizatës terroriste Hezbollah kundër Izraelit, padyshim e kanë edhe mbështetjen ruse.

Berisha thotë se ky akt agresioni mbi Izraelin u bë edhe për të zhvendosur vëmendjen e botës nga agresioni rus kundër Ukrainës.

“Sulmet terroriste të Hamasit, të sponsoruara direkt nga Irani nëpërmjet organizatës terroriste Hezbollah kundër Izraelit, padyshim besoj se e kanë edhe mbështetjen ruse. Akt agresioni direkt mbi Izraelin për të zhvendosur vëmendjen e botës nga agresioni rus kundër Ukrainës.
Duke u lutur që të ketë sa më pak viktima e më shumë paqe, Izraeli nuk do të rrijë idiferent për të shpartalluar Hamasin e Hezbollahun, organizata këto terroriste që paraqesin rrezik sistematik për humbjen e jetës së njerëzve!
Paqe!🇽🇰🕎🇮🇱”, shkruan ai.

Grupi terrorist i Hamasit mori përgjegjësinë për sulmin e befasishëm sot ndaj Izraelit.

Ndërkohë, Izraeli ka nisur një kundërsulm ndaj caqeve të militantëve palestinezë. Deri më tani raportohet për qindra viktima te të dyja palët.